2015 جىلعى 12 قازان, استانا قالاسى
مەملەكەتتىك ورمان قورى ۋچاسكەلەرىندە ءشوپ شابۋ جانە مال جايۋ قاعيدالارىن
بەكىتۋ تۋرالى
2003 جىلعى 8 شىلدەدەگى قازاقستان رەسپۋبليكاسى ورمان كودەكسىنىڭ 99-بابىنىڭ 4-تارماعىنا سايكەس بۇيىرامىن:
1. قوسا بەرىلىپ وتىرعان مەملەكەتتىك ورمان قورى ۋچاسكەلەرىندە ءشوپ شابۋ جانە مال جايۋ قاعيدالارى بەكىتىلسىن.
2. قازاقستان رەسپۋبليكاسى اۋىل شارۋاشىلىعى مينيسترلىگىنىڭ ورمان شارۋاشىلىعى جانە جانۋارلار دۇنيەسى كوميتەتى زاڭنامادا بەلگىلەنگەن تارتىپپەن:
1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن;
2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ كوشىرمەسىنىڭ مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرىلۋىن;
3) وسى بۇيرىقتىڭ قازاقستان رەسپۋبليكاسى اۋىل شارۋاشىلىعى مينيسترلىگىنىڭ ينتەرنەت-رەسۋرسىندا جانە مەملەكەتتىك ورگانداردىڭ ينترانەت- پورتالىندا ورنالاستىرىلۋىن قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسىنىڭ اۋىل شارۋاشىلىعى ۆيتسە-مينيسترىنە جۇكتەلسىن.
4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ اۋىل شارۋاشىلىعى ءمينيسترى ا.مامىتبەكوۆ
قازاقستان رەسپۋبليكاسى اۋىل شارۋاشىلىعى ءمينيسترىنىڭ 2015 جىلعى 12 قازانداعى
№ 18-02/909 بۇيرىعىمەن بەكىتىلگەن
مەملەكەتتىك ورمان قورى ۋچاسكەلەرىندە ءشوپ شابۋ جانە مال جايۋ قاعيدالارى
1. جالپى ەرەجەلەر
1. وسى مەملەكەتتىك ورمان قورى ۋچاسكەلەرىندە ءشوپ شابۋ جانە مال جايۋ قاعيدالارى (بۇدان ءارى – قاعيدالار) 2003 جىلعى 8 شىلدەدەگى قازاقستان رەسپۋبليكاسى ورمان كودەكسىنىڭ (بۇدان ءارى – كودەكس) 99-بابىنىڭ 4-تارماعىنا سايكەس ازىرلەندى جانە مەملەكەتتىك ورمان قورى ۋچاسكەلەرىندە ءشوپ شابۋ مەن مال جايۋ ءتارتىبىن بەلگىلەيدى.
2. وسى قاعيدالاردا مىناداي ۇعىمدار پايدالانىلادى:
1) ورماننىڭ گەنەتيكالىق رەزەرۆاتى – وسىمدىكتەر ءتۇرى, ءتۇر تارماعى پوپۋلياتسياسىنىڭ گەنەتيكالىق-سەلەكتسيالىق تۇرعىدان قۇندى بولىگى بار ورمان ۋچاسكەسى;
2) ورمان پايدالانۋ – ورمان رەسۋرستارى مەن ورماننىڭ پايدالى قاسيەتتەرىن پايدالانۋ جونىندەگى زاڭدىق جانە ەكونوميكالىق جاعىنان رەگلامەنتتەلگەن قىزمەت;
3) ورمان پايدالانۋشى – كودەكستە بەلگىلەگەن تارتىپپەن ۋاقىتشا ورمان پايدالانۋ قۇقىعى بەرىلگەن جەكە نەمەسە زاڭدى تۇلعا;
4) ورمان شارۋاشىلىعى سالاسىنداعى ۋاكىلەتتى ورگاننىڭ ۆەدومستۆوسى – ورمان قورىن كۇزەتۋ, قورعاۋ, پايدالانۋ, ورمانداردى مولىقتىرۋ جانە ورمان ءوسىرۋ سالاسىندا باسقارۋ مەن باقىلاۋ فۋنكتسيالارىن جۇزەگە اسىراتىن مەملەكەتتىك ورگان.
3. مەملەكەتتiك ورمان قورىنىڭ ءشوپ شابۋعا جانە مال جايۋعا بولاتىن ۋچاسكەلەرiن ورمان ورنالاستىرۋ جوبالارىنا نەمەسە ەرەكشە قورعالاتىن تابيعي اۋماقتاردى باسقارۋ جوسپارلارىنا سايكەس مەملەكەتتiك ورمان يەلەنۋشiلەر بەلگiلەيدi.
4. ءشوپ شابۋ جانە مال جايۋ ءۇشىن مەملەكەتتىك ورمان قورىنىڭ قۇرامىنا ەنەتىن وسى ماقساتقا جارامدى اۋىل شارۋاشىلىعى جەرلەرىنىڭ القاپتارى بولىنەدى, سونداي-اق الاڭقايلار جانە ءشوپ شابۋ باستالعانعا دەيىن ورماندى تابيعي نەمەسە جاساندى جولمەن جاڭارتۋ, ولاردى جاقسارتۋ جونىندە باسقا دا ءىس-شارالار جۇرگىزۋ كوزدەلمەيتىن باسقا دا ورمان كومكەرمەگەن القاپتار, سونداي-اق قايتا جاڭارتۋعا ارنالماعان قۇندىلىعى از ەكپەلەردىڭ جەكەلەگەن ۋچاسكەلەرى پايدالانىلادى.
5. مەملەكەتتىك ورمان قورى ۋچاسكەلەرىندە ءشوپ شابۋعا بولاتىن الاڭداردى جىل سايىن ءشوپ شابۋ باستالعانعا دەيىن كودەكستىڭ 13-بابىنىڭ 1-تارماعىنىڭ 18-3) تارماقشاسىنا سايكەس بەكىتىلگەن ورمان ورنالاستىرۋ ماتەريالدارىنىڭ نەگىزىندە مەملەكەتتىك ورمان يەلەنۋشىلەر ناقتىلايدى.
6. كودەكستىڭ 99-بابىنىڭ 2-تارماعىنا سايكەس مەملەكەتتiك ورمان قورىنا كiرەتiن جايىلىمداردا باقتاشىسىز مال جايۋ شالعاي, جولى قيىن جانە حالىق از قونىستانعان اۋدانداردا ەرەكشە جاعدايلاردا جۇزەگە اسىرىلادى.
2. مەملەكەتتىك ورمان قورى ۋچاسكەلەرىن ءشوپ شابۋ جانە مال جايۋ ءۇشىن پايدالانۋ ءتارتىبى
7. مال جايۋ مەملەكەتتىك ورمان قورى ۋچاسكەلەرىندە وسى قاعيدالارعا قوسىمشاعا سايكەس ايقىندالاتىن الاڭداردا جۇزەگە اسىرىلادى, بۇل رەتتە مال جايۋ ءۇشىن ۋچاسكەلەر تاڭداۋ ورمان جايىلىمدارىن ماۋسىمدىق پايدالانۋ مۇمكىندىكتەرى, جايىلىم اينالىمدارىن جانە ولارعا جەتكىلىكتى جۇكتەمەنى ەسكەرە وتىرىپ, جۇزەگە اسىرىلادى.
8. جايىلىم اينالىمىنىڭ الاڭى:
1) ءوسۋ كەزەڭىنىڭ تابيعي-كليماتتىق جاعدايلارىن;
2) جايىلىمداردىڭ شىعىمدىلىق دەڭگەيىن;
3) ەروزياعا ۇشىراۋ ۇدەرىستەرىنىڭ ىقتيمال مۇمكىندىگى جانە ناقتى بايقالۋىن;
4) جابايى وسەتىن شوپتەردىڭ ەرەكشە قۇندى تۇقىمدارىن جيناۋ مۇمكىندىگى;
5) «دەمالىس» بەرۋدىڭ ورىندىلىعى, ياعني جىل بويىنا مال جايۋدى, ءشوپ شابۋدى تولىق بولدىرماۋدى ەسكەرە وتىرىپ, بەلگىلەنەدى.
9. مىناداي مەملەكەتتىك ورمان قورى ۋچاسكەلەرىندە ءشوپ جابۋ (ورتكە قارسى ءىس-شارالار شەڭبەرىندە جۇزەگە اسىرىلاتىن ءشوپ شابۋدان باسقا) جانە مال جايۋ:
1) مەملەكەتتiك ورمان قورىنىڭ «مەملەكەتتiك تابيعي قورىقتار ورماندارى», «تابيعاتتىڭ مەملەكەتتiك ورمان ەسكەرتكiشتەرi», «ورماننىڭ گەندiك رەزەرۆاتتارىن قوسا العانداعى عىلىمي ماڭىزى بار ورمان ۋچاسكەلەرi», «اسا قۇندى ورمان الاپتارى» ساناتتارىندا, سونداي-اق قورىق جانە تاپسىرىس رەجيمiندەگi مەملەكەتتiك ۇلتتىق تابيعي ساياباقتار مەن مەملەكەتتiك وڭiرلiك تابيعي ساياباقتار ايماقتارىندا, مەملەكەتتiك تابيعي رەزەرۆاتتاردىڭ قورىق ورتالىعى ايماقتارىندا;
2) مەملەكەتتiك ورمان قورىنىڭ رەكرەاتسيالىق پايدالانۋ ايماقتارىنداعى, اكiمشiلiك-وندiرiستiك ماقساتتاعى, كەلۋشiلەر مەن تۋريستەرگە قىزمەت كورسەتۋگە ارنالعان شاعىن ايماقتارداعى «مەملەكەتتiك ۇلتتىق تابيعي ساياباقتار ورماندارى» جانە «مەملەكەتتiك وڭiرلiك تابيعي ساياباقتار ورماندارى» ساناتتارىندا;
3) مەملەكەتتiك ورمان قورىنىڭ بۇزىلعان لاندشافتاردى قالپىنا كەلتiرۋ ايماعىنداعى «مەملەكەتتiك تابيعي رەزەرۆاتتار ورماندارى» ساناتىندا;
4) مەملەكەتتiك ورمان قورىنىڭ تاپسىرىس رەجيمi ايماعىنداعى «مەملەكەتتiك قورىق ايماقتارى ورماندارى» ساناتىندا;
5) مەملەكەتتiك ورمان قورىنىڭ «جاڭعاق كاسiپشiلiگi ايماقتارى», «ورمان-جەمiس ەكپەلەرi», «aca بيiك تاۋ ورماندارى», «مەملەكەتتiك قورعانىشتىق ورمان بەلدەۋلەرi», «ەروزياعا قارسى ورماندار» جانە «حالىقارالىق جانە رەسپۋبليكالىق ماڭىزى بار ورتاق پايدالانۋداعى تەمiر جولدار مەن اۆتوموبيل جولدارىنىڭ, ماگيسترالدىق قۇبىرلار مەن باسقا دا جەلiلiك قۇرىلىستاردىڭ ءبولiپ بەرiلگەن بەلدەۋلەرiندەگi قورعانىشتىق ەكپەلەر», «حالىقارالىق جانە رەسپۋبليكالىق ماڭىزى بار ورتاق پايدالانۋداعى تەمiر جولدار مەن اۆتوموبيل جولدارى بويىنداعى قورعانىشتىق ورمان بەلدەۋلەرi» ساناتتارىندا جۇزەگە اسىرىلمايدى.
10. مال جايۋعا رۇقسات ەتىلگەن ۋچاسكەلەر تىزبەسىن مەملەكەتتىك ورمان قورى جەرلەرىنىڭ جاي-كۇيىنە قاتىستى بولىپ جاتقان وزگەرىستەردى, سونداي-اق ورماندى قالپىنا كەلتىرۋ ءىس-شارالارىن جۇرگىزۋ مەن ورمان رەسۋرستارىن دايىنداۋ جوسپارلارىن ەسكەرە وتىرىپ, مەملەكەتتىك ورمان يەلەنۋشىلەر جىل سايىن ناقتىلاپ وتىرادى.
11. مەملەكەتتىك ورمان قورى ۋچاسكەلەرىندە ەشكى جايۋعا ارنايى بولىنگەن قورشالعان ۋچاسكەلەردە عانا رۇقسات ەتىلەدى.
12. ءشوپ شابۋ مەن مال جايۋ ءۇشىن مەملەكەتتىك ورمان قورى ۋچاسكەلەرى قىسقا مەرزىمدى ء(بىر جىلعا دەيىن پايدالانۋ مەرزىمىنە) جانە ۇزاق مەرزىمدى (10 جىلدان 49 جىلعا دەيىن پايدالانۋ مەرزىمىنە) ورمان پايدالانۋعا بەرىلەدى.
13. ورمان يەلەنۋشىلەر 2003 جىلعى 20 ماۋسىمداعى قازاقستان رەسپۋبليكاسى جەر كودەكسىنىڭ 36, 41-باپتارىنا سايكەس ءشوپ شابۋ مەن مال جايۋعا جارامدى مەملەكەتتىك ورمان قورى ۋچاسكەلەرىنەن ورمان شارۋاشىلىعى مەن ەرەكشە قورعالاتىن تابيعي اۋماقتار قىزمەتكەرلەرىنە ءشوپ شابۋ ءۇشىن قىزمەتتىك جەر تەلىمدەرىن بولەدى.
14. ءشوپ شابۋ مەن مال جايۋ ءۇشىن مەملەكەتتىك ورمان قورى ۋچاسكەلەرىن ۇزاق مەرزىمدى ورمان پايدالانۋعا ءبولۋ كودەكستىڭ 35-بابىنا سايكەس بەكىتىلگەن مەملەكەتتىك ورمان قورى ۋچاسكەلەرىندە ورمان رەسۋرستارىن ۇزاق مەرزىمدى ورمان پايدالانۋعا بەرۋ جونىندە تەندەرلەر وتكىزۋ قاعيدالارىنا سايكەس تەندەرلىك نەگىزدە جۇزەگە اسىرىلادى.
وسى تارماق ەرەكشە قورعالاتىن تابيعي اۋماقتارعا قولدانىلمايدى.
15. ءشوپ شابۋ مەن مال جايۋعا جارامدى قالعان الاڭدار تۋرالى مالىمەتتەردى (وسى قاعيدالاردىڭ 13-تارماعىندا كورسەتىلگەننەن باسقا) ورمان يەلەنۋشىلەر تەندەر ۇيىمداستىرۋشىلارعا ءشوپ شابۋ مەن مال جايۋ باستالعانعا دەيىن ەكى ايدان كەشىكتىرمەي بەرەدى.
16. مەملەكەتتىك ورمان قورى ۋچاسكەلەرىنەن ءشوپ شاباتىن جانە مال جاياتىن القاپتاردىڭ بولىنۋىنە مۇقتاج ورمان پايدالانۋشىلار:
1) ۇزاق مەرزىمدى نەگىزدە (ۇزاق مەرزىمدى ورمان پايدالانۋ) تەندەر وتكىزۋدى ۇيىمداستىرۋشىلارعا ءشوپ شابۋ مەن مال جايۋ ءۇشىن ۇزاق مەرزىمدى پايدالانۋعا مەملەكەتتىك ورمان قورى ۋچاسكەلەرىن بەرۋ بويىنشا تەندەرگە قاتىسۋعا ارنالعان ءوتىنىم-لوتتاردى ورمان يەلەنۋشىلەردىڭ دايىنداۋى ءۇشىن ءتيىستى وتىنىمدەر جولدايدى;
2) قىسقا مەرزىمدى نەگىزدە (قىسقا مەرزىمدى پايدالانۋ) ءشوپ شابۋ نەمەسە مال جايۋ باستالعانعا دەيىن ەكى ايدان كەشىكتىرمەي ورمان يەلەنۋشىلەرگە ورمان پايدالانۋ ءۇشىن ۋچاسكەلەر بەرۋ جونىندە ءوتىنىش جازادى.
17. تەندەرلەر وتكىزۋدى ۇيىمداستىرۋشىلار ءشوپ شابۋ مەن مال جايۋ ءۇشىن مەملەكەتتىك ورمان قورى ۋچاسكەلەرىن بەرۋ جونىندە وتكىزىلگەن تەندەرلەردىڭ ناتيجەلەرى نەگىزىندە مەملەكەتتىك ورمان قورى ۋچاسكەلەرىندە ورمان رەسۋرستارىن ۇزاق مەرزىمدى ورمان پايدالانۋعا بەرۋ جونىندەگى تەندەر كوميسسياسىنىڭ حاتتاماسىن تولتىرادى, ونىڭ نەگىزىندە مەملەكەتتىك ورمان يەلەنۋشىلەر مەن ورمان پايدالانۋشىلار اراسىندا وسى ۋچاسكەلەردى ۇزاق مەرزىمدى ورمان پايدالانۋ تۋرالى شارت جاسالادى, وندا وسى ۋچاسكەلەردى پايدالانۋ جونىندەگى تالاپتارمەن جانە تاراپتاردىڭ ءوزارا قارىم-قاتىناستارىنىڭ شارتتارىمەن قاتار كودەكستىڭ 38-بابىنا سايكەس قورعاۋ جانە ورمانداردا ءورت قاۋىپسىزدىگى قاعيدالارىن ساقتاۋ جونىندەگى مىندەتتەر بەلگىلەنەدى.
18. شالعايداعى مال شارۋاشىلىعى ءۇشىن مەملەكەتتىك ورمان قورى ۋچاسكەلەرىن بەرۋ جونىندەگى ءوتىنىم-لوتتاردى دايىنداۋ كەزىندە كورشىلەس اۋدانداردىڭ, وبلىستاردىڭ قاجەتتىلىگىن ەسكەرۋ كەرەك.
19. ورمان يەلەنۋشىلەر وتكىزىلگەن تەندەرلەردىڭ ناتيجەلەرى بويىنشا جاسالعان شارتتارعا سايكەس جانە ورمان پايدالانعانى ءۇشىن تولەم جاسالعانىن كۋالاندىراتىن قۇجاتتاردىڭ نەگىزىندە تەندەرلەردىڭ جەڭىمپازدارىنا «اعاش كەسۋ بيلەتى مەن ورمان بيلەتىنىڭ نىساندارىن, ولاردى ەسەپكە الۋ, ساقتاۋ, تولتىرۋ جانە بەرۋ قاعيدالارىن بەكىتۋ تۋرالى» قازاقستان رەسپۋبليكاسى اۋىل شارۋاشىلىعى ءمينيسترىنىڭ 2015 جىلعى 26 قاڭتارداعى № 18-02/40 بۇيرىعىمەن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 10676 بولىپ تىركەلگەن) بەكىتىلگەن نىسان بويىنشا ورمان بيلەتتەرىنىڭ جىل سايىن بەرىلۋىن ولارعا ءشوپ شابۋ مەن مال جايۋ ءۇشىن مەملەكەتتىك ورمان قورى ۋچاسكەلەرىنىڭ تابيعي تۇرىندە بەرىلۋىن قامتاماسىز ەتەدى.
20. ءشوپ شابۋ مەن مال جايۋ ءۇشىن مەملەكەتتىك ورمان قورى ۋچاسكەلەرىن قىسقا مەرزىمدى ورمان پايدالانۋعا بەرۋ كەزىندە ورمان پايدالانۋشىنىڭ ءوتىنىشى جانە ورماندى پايدالانعانى ءۇشىن تولەم جاسالعانىن كۋالاندىراتىن قۇجاتتاردىڭ نەگىزىندە ورمان پايدالانۋشىلارعا دا ورمان بيلەتى جازىپ بەرىلەدى.
21. بەرىلگەن مەملەكەتتىك ورمان قورى ۋچاسكەلەرىندە ءشوپ شابۋ مەن مال جايۋ ورمان بيلەتتەرىندە كورسەتىلگەن مەرزىمدەردە جۇزەگە اسىرىلادى.
22. ءشوپ شابۋ مەن مال جايۋ ءۇشىن بەرىلگەن مەملەكەتتىك ورمان قورى ۋچاسكەلەرىندە ورمان پايدالانۋ قۇقىعى كودەكستىڭ 39-41-باپتارىنا سايكەس توقتاتىلا تۇرادى, شەكتەلەدى نەمەسە توقتاتىلادى.
مەملەكەتتىك ورمان قورى ۋچاسكەلەرىندە ءشوپ شابۋ جانە مال جايۋ قاعيدالارىنا قوسىمشا
مەملەكەتتىك ورمان قورى ۋچاسكەلەرىندەگى مال جايۋ الاڭدارىن ايقىنداۋ
№ تابيعي ايماقتار ءۇي جانۋارلارىنىڭ تۇرلەرى مال جايۋ الاڭى, 1 باسقا گەكتار
1 2 3 4
1 جارتىلاي شولەيت جانە شولەيت قوي, ەشكى
ءىرى قارا مال
جىلقى 7,0
7,0
5,0
2 دالالى قوي, ەشكى
ءىرى قارا مال
جىلقى 1,5-3,0
1,5-3,0
1,0-2,25
3 تاۋلى قوي, ەشكى
ءىرى قارا مال
جىلقى 0,75-1,5
0,75-1,5
1,0
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 10 قاراشادا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №12259 بولىپ ەنگىزىلدى.